اکھڑے ہوئے تھے لفظ دعا کا سوال تھا

By Sareer Ali

Read English Transliteration

اکھڑے ہوئے تھے لفظ دعا کا سوال تھا
ہم کو خدا سے حرفِ عطا کا سوال تھا

اس واسطے میں بزم میں بیٹھا تھا مُہرِ لب
غیروں کے درمیان حیا کا سوال تھا

رحمت کا بیج ہم نے بھی بویا تو تھا مگر
جلوہ نُما سی ایک گھٹا کا سوال تھا

وہ امتحانِ عشق میں اِک پل ٹھہر گیا
پرچے میں اسکے پہلا وفا کا سوال تھا

مطلب سے یاد کرنا بھی کیا خاک عشق ہے
محشر میں عاشقوں سے خدا کا سوال تھا

کیوں دے رہے ہو یوں ہی دلاسا صریرؔ کو
دل کے طبیب سے یہ دوا کا سوال تھا

---

ukhDe hue the lafz dua ka sawaal tha
hum ko Khuda se harf-e-ataa ka sawaal tha

is waaste main bazm me baitha tha mohr-e-lab
ghairon ke darmiyan haya ka sawaal tha

rehmat ka beej hum ne bhi boya to tha magar
jalva numa si aik ghata ka sawaal tha

woh imthehaan-e-ishq mein ik pal thehr gaya
parche mein uskay pehla wafa ka sawaal tha

matlab se yaad karna bhi kya khaak ishq hai
Mahshar mein aashiqon se Khuda ka sawaal tha

kyun de rahe ho yoon hi dilasa Sareer ko
dil ke tabeeb se ye dawa ka sawaal tha

.

Featured Photo by Akhil Lincoln on Unsplash